نصيحة من متحصلة على باكالوريا 2013

السلام عليكم

انا راني حابة نفيدكم بالتجربة ديالي تاع العام لي فات و النصيحة لي نقدر نمدلكم هي متضيعوش وقتكم في التفاهات و فالفايسبوك لي عندو فايسبوك و بغا يدي الباك ديالو لازم يغلقو وماتقولوش مزال عدنا الوقت نقراو بلعقل هادي ماكاش كامل منها تغمضوا عينيكم يوم و الله غير تلقاو روحكم بعاد و تايهين و الدروس جراو و متتكلوش على الدروس الخصوصية برك و تقولو يكفوا و الله ماكاش كيما الواحد لي يتكل على روحو انا لوكان كنت جدية فالعام لي فات كان دوك مارانيش نعاود فيه صاح ديت الباك مي المعدل ضعيف بزاف و الله امنوني لوكان تقراو بجدية الباك ساااهل متضيعوش وقتكم مع الااخر تولوا تقولوا يا ربي لوكان ازيدولي سمانة برك و تندموا كامل على الوقت لي ضيعتوه في التمسخير و ما تخافوش و الله الباك ساهل مي للناس لي يتعبوا

ان شاء الله تسمعولي برك على خاطر انا كي كانوا ينصحوني العام لي فات ماسمعتش و هاي النتيجة راني نضيع عام من حياتي

السلام عليكم و ربي يوفقنا اجمعين